| |
|
|||
| |
Newsletter Inclusiun en il Grischun 03/2026
|
|
| |
Allegra, Grüezi, Ciao En la newsletter As preschentain nus quests trais temas:
«Savevas Vus gia?» è ina nova rubrica en questa newsletter. Là As preschentain nus dad ussa davent differentas activitads davart il tema inclusiun. Nus As giavischain ina lectura divertenta.
Susanna Gadient, Manadra da l'uffizi Daniel Kistler, Manader da l'Integraziun da persunas cun impediments La newsletter è scritta per gronda part en lingua simpla. Ella cuntegna resumaziuns en lingua facila. |
|
| | |
| |
World cafés ed enquista 2026 |
|
|
||||||
| |
Persunas cun impediments vegnan a pled Persunas cun impediments èn expertas ed experts en atgna chaussa. Per drizzar las purschidas anc meglier a lur basegns effectivs, tschertga l'Uffizi dal servetsch social chantunal il barat direct cun las persunas pertutgadas. Barat en world cafés ed enquista online Il Post da coordinaziun per ils dretgs e per l'egualitad da las persunas cun impediments organisescha per quest intent trais world cafés (workshops). Ultra da quai datti in'enquista online senza barrieras, nua che persunas cun impediments pon contribuir lur experientschas. La finamira è quella da sa procurar la valitaziun ed ils giavischs da persunas cun impediments davart ils temas «sensibilisaziun da la publicitad» e «barat direct cun l'administraziun». Interessà ad ina participaziun? In'annunzia è pussaivla fin ils 17 d'avrigl 2026. |
|
| | |
| |
En lingua facila Persunas cun impediments san ina massa. Ellas san bler davart lur atgna vita e tge ch'ellas dovran. Perquai vul l'Uffizi dal servetsch social chantunal discurrer directamain cun ellas. Per exempel davart questas dumondas:
I han lieu trais inscunters latiers. U ins po er sa participar ad in'enquista en l'internet. Vulais Vus As participar? In'annunzia è pussaivla fin ils 17 d'avrigl 2026. Qua pudais Vus As annunziar (cliccar). |
|
| | |
| |
Dis d'acziun naziunals 2027 |
|
| |
Dals 24 da matg fin ils 7 da zercladur 2027 – Mintga (pitschna) acziun po chaschunar grondas chaussas! Vus As regurdais dals Dis d'acziun per ils dretgs da las persunas cun impediments 2024? Els èn stads in grond success. En il Grischun han gì lieu passa 50 acziuns multifaras. L'interess vast ed il grond engaschament han exprimì, che inclusiun n'è per bleras persunas en il chantun Grischun pluriling betg in pled ester. Ils dis d'acziun naziunals vegnan ussa repetids mintga 2 fin 3 onns. Ils proxims dis d'acziun han lieu l'onn 2027 – dals 24 da matg fin ils 7 da zercladur. Il focus è l'onn 2027 sin il tema «lavur». Restai vidlonder! à Nus As infurmain cun la newsletter baud pli exactamain davart ils dis d'acziun 2027. |
|
| | |
| |
En lingua facila Ils dis d'acziun davart il tema inclusiun han gì success l'onn 2024. Dals 24 da matg fin ils 7 da zercladur 2027 datti puspè dis d'acziun en Svizra. Er en il Grischun. Tar las acziuns duai oravant tut sa tractar dal tema lavur. Baud datti dapli infurmaziuns en questa newsletter. |
|
| | |
| |
Savevas Vus gia?
|
|
|
||||||
| |
© Special Olympics World Winter Games 2029 // Matsview GmbH // Kevin Nigg. |
|
| |
Special Olympics: Duas occurrenzas da sport d'enviern impurtantas en il Grischun Las preparaziuns per ils Special Olympics National Summer Games 2026 a Zug vegnan prendidas per mauns cun bler schlantsch. Nus vulain profitar da la chaschun per far attent a las proximas occurrenzas da sport d'enviern en il chantun Grischun. En il Grischun ha il sport d'enviern tradiziun. Ils proxims onns han lieu qua dus gronds eveniments da sport: Sustegn tras il chantun Al puls enstagl mo da sa participar! Milli atletas ed atlets cun impediments spiertals da tut la Svizra e da tut il mund, concurrenzas captivantas e muments emoziunals: Ed il Grischun? Natiralmain al puls enstagl mo da sa participar. |
|
| | |
| |
En lingua facila A Zug han lieu quest onn ils gieus da stad da Special Olympics cun sportistas e sportists da la Svizra. Als Special Olympics sa participeschan sportistas e sportists cun impediments spiertals. En il Grischun han lieu duas occurrenzas da sport da Special Olympics:
Il chantun sustegna questas duas occurrenzas cun daners. |
|
| | |
| |
Persuna da contact per l'egualitad da persunas cun impediment
|
|
| |
Avais Vus dumondas u giavischs? Jean-Pierre Schneckenburger, coordinatur per l'egualitad e per ils dretgs da persunas cun impediments, è gugent qua per Vus. El accumpogna e promova projects en l'entir chantun ed è Vossa persuna da contact per dumondas davart l'egualitad da persunas cun impediments. |
|
| | |
| |
En lingua facila Avais Vus dumondas u vulais Vus dir insatge? Vus pudais gugent As annunziar tar Jean-Pierre Schneckenburger. El lavura per ils dretgs da persunas cun impediments. |
|
|
|||||
| |
|
| |||
|
